Administrazio hizkera argia

Administrazio-hizkera argiaren bloga

Administrazio Hizkera Atalak sortu duen Administrazio-hizkera argia blogean zaude. Dokumentuak prestatu edo testuak idazten badituzu, eta eraginkortasunez komunikatu nahi baduzu, gune egokian zaude.

Zertarako bloga?

Blog honekin IVAPek sare sozialetan duen presentzia areagotzeaz gain, bere zerbitzu-izaera eta berrikuntzarekiko konpromisoa berretsi nahi ditu. Helburu nagusia administrazioko komunikazioaren esparruan hizkuntza argia bultzatzea da, euskaraz zein gaztelaniaz.

Batetik, herritarrei gure lan eta jardueren berri eman nahi diegu; bestetik, kalitatezko komunikazioari loturiko edukien biltegia osatzeko asmoa dugu, astero-astero argitaratuko ditugun artikuluen bitartez.

Artikulu batzuk elebitan argitaratuko ditugu, eta beste batzuk euskaraz edo gaztelaniaz soilik. Edukiaren arabera aukeratuko dugu hizkuntza; izan ere, eduki batzuk hizkuntza baten edo bestearen bereizgarriak baitira, beraz, itzulpenak ez luke zentzurik izango.

Azken artikuluak

  • Pertsona-izenordainak: aukera erraz eta eraginkorra

    Pertsona-izenordainak erabiliz gero, testu hurbilagoak era irakurterrazagoak osa ditzakegu.

  • Esaldiak aktibatu

    Testu administratibo atseginak sortzeko ahaleginean, esaldi aktiboen alde egin beharko genuke, eta egitura pasiboak baztertu.

  • Tartekiak. Ondo baina neurrian

    Zehaztasun-nahiaren ondorioz, informazio osagarridun tartekiz betetzen ditugu testuak. Sarritan, testuaren mezua iluntzen dute.

  • Etzanez idatzi beharrekoak

    Letrak, hitzak, esaldiak edo testu zatiak nabarmentzeko erabiltzen da letra etzana. Argitalpenen izenburuak, esaterako, etzanez idazten ditugu.

    Erabilera horren gaineko xehetasun gehiago jaso ditugu honako infografia honetan.

  • Nola lotu ordinalak? Ikus 10. eta 11. orrialdeak

    Badakigu ordinalak adierazteko puntua jarri behar dugula zenbakiaren ostean, baina zenbaki bat baino gehiago adierazi behar dugunean denetan jarri behar dugu?

Lege oharra © 2009 · Eusko Jaurlaritza - Gobierno Vasco

Euskadi, auzolana