Bilboko Administrazioarekiko Auzien 3 zenbakiko Epaitegiak administrazio-espedientea bidaltzeko eskatu du 252/2025 prozedura arruntean, pertsona batek jarritako administrazioarekiko auzi-errekurtsoari buruzkoa. Administrazioarekiko auzi-errekurtsoak izangai batek jarritako gora jotzeko helegiteak Administrazio Publikoaren Euskal Institutuko zuzendariaren 2025eko maiatzaren 7ko ebazpenaren aurkakoa, zeinaren bidez zehazten baita zenbat funtzionario-plaza gehigarri esleituko diren, nola banatuko diren eta zer esleipen-prozedura erabiliko den, gobernantza publiko eta autogobernuko sailburuaren 2022ko maiatzaren 18ko aginduaren babesean deitutako enplegua finkatzeko prozesu barruan, eta 2025eko ekainaren 6ko ebazpenaren aurkakoa, zeinaren bidez agindua ematen den euskal autonomia erkidegoko administrazio orokorreko eta haren organismo autonomoetako kidego eta eskaletan enplegua finkatzeko prozesu berezietan eta salbuespenezko prozesuetan hautatutako langileen behin betiko zerrenda eta esleipen gehigarriko lanpostuen behin betiko zerrendak argitaratzeko. Zehazki, Administrazioko Eskalako Administrazioko Goi-mailako Kidegoko salbuespenezko prozesuari dagokio.

EBAZPENA (PDF, 218 KB) , Administrazio Publikoaren Euskal Institutuko zuzendariarena, 252/2025 prozedura arruntari buruzko administrazio-espedientea bidaltzeko xedatzen duena eta interesdun izan daitezkeenei epatzen dituena.