9. modulua kontratazio publikoa ibilbidearen profil hauetan barneratzen da:

• Kontratuak sustatzen dituzten zerbitzuetako teknikariak.
• Kontu-hartzaileak / auditoreak.
• Kontratazio-teknikariak; sailekoak eta organo zentralizatuak.

Helburu orokorrak

Esleipen-irizpideei eta betearazpen-baldintza bereziei buruzko lege-arauketa, doktrina eta jurisprudentzia ezagutzea.

Helburu zehatzak

Lizitatzaileen gaitasun-baldintzak, esleipen-irizpideak eta gauzatzeko baldintza bereziak zein diren jakitea.

Gaitasunak

Prestakuntza-ekintza amaitzean, ikasleak gai izango dira lizitatzaileen gaitasun-baldintzak eta esleipen-irizpideak, betekizunak, motak, egiaztapena eta beste figura batzuekiko aldea identifikatzeko. Gauzatzeko baldintzak ezartzeko. Hori guztia kontratazio-espedienteak kudeatzeko zereginen barruan.

Lizitatzailearen gaitasuna:

• Sozietatearen xedea eta kontratuaren xedearekin bat etortzea.
• Kontratatzeko debekuak; debekuak aitortzea; debeku-kasuak proposamenetik baztertzeko arrazoi gisa; botere esleitzaileak debekuak aintzat hartzea; autozuzenketa-neurriak ("self cleaning").
• Kaudimen ekonomikoa eta teknikoa: kaudimen-irizpideak eta egiaztatzeko moduak, kontratuaren xedearekiko lotura eta kaudimen-eskakizunen proportzionaltasuna; lehia diskriminatzeko edo mugatzeko irizpideak; kaudimenaren integrazioa; enpresa sortu berrien kaudimena; sailkapena eta kaudimenarekin duen harremana.
• Lanbide-gaikuntza.
• Gaitasuna egiaztatzea: bereziki, Europako Kontratazio Agiri Bakarra (EKAB), haren irismena eta izaera, EKABaren zuzenketa.

Esleitzeko irizpideak eta gauzatzeko baldintzak

• Esleipen-irizpideak, eskaintza ekonomiko onuragarrienaren printzipioa eta kalitatearen eta prezioaren arteko erlazioa.
• Esleipen-irizpideen betekizunak: xedearekiko lotura, formulazio objektiboa, kontratua esleitzeko botere esleitzailea mugatzea, ebaluazioa lehia eraginkorreko baldintzetan.
• Esleipen-irizpide motak: irizpide kualitatiboak eta kostu-irizpideak (bereziki, prezioa esleipen-irizpide gisa eta SPKLren mugak); irizpide diskrezionalak eta irizpide automatikoak, diferentziaren prozedura-garrantzia; azpi-irizpideak; esperientziaren balorazioa esleipen-irizpide gisa; atalase baztertzailea duten irizpideak; hobekuntzak.
• Esleipen-irizpideen egiaztapena, lizitatzaileari eskatzen zaion dokumentazioa.
• Kontratua gauzatzeko baldintza bereziak: kontzeptua, beste figura batzuekiko desberdintasuna eta kontratuaren edukiaren mugak.

Metodologia

Aurkezpen baten bidez azalpen teorikoak egingo dira eta ariketa praktiko eta galderekin uztartuko dira.

EBALUAKETA

Ebaluaketaren helburua: Ikastaroaren helburu orokor eta zehatzak bete edo lortu direla bermatzea.

Ebaluaketak jaso beharko du: Oinarrizko ezagutzen inguruko 20 galderez osatutako test erako proba. Gaitegiko atal bakoitzaren inguruko 10 galdera izango dira. Ebaluaketa gainditzeko galderen %60a zuzen erantzutea ezinbestekoa da (12 erantzun zuzen). Erantzun okerrak ez dira zigortuko, eta proba burutzeko 30 minutuko tartea egongo da. Adibidea: Prozedura ireki batean, non administrazio-klausula zehatzen agirian hainbat irizpide ezarri diren (balio-judiziokoak eta formuletakoak), nola irekiko da formula-irizpideen gutun-azala edo artxibo elektronikoa:

a) Prozeduraren edozein unetan.

b) Balio-judizioko irizpideen gutun-azala ireki ondoren.

c) Balio-judizioko irizpideen gutun-azala ireki aurretik.

APROBETXAMENDUA

Bete beharreko baldintzak:

• %80ko bertaratzea
• Aprobetxamendu proba gainditzea

Ziurtapen elektronikoaren mezua jaso bezain pronto ziurtagiri digitala eskuragarri izango duzu. IVAPekiko izapideak atalean sartu, eta Ziurtatzeak botoia sakatu.

Baldintza Teknikoak

• Ezinbestekoa da posta elektronikoko kontu korporatibo bat izatea, ikastarora joango den pertsona modu unibokoan identifikatzeko. Ez dugu onartuko postu bati esleitutako edo partekatutako posta- konturik.
• Datuak Babesteko Erregelamendu Orokorraren (DBEO) 5.1 d) artikuluan xedatutakoaren arabera, datu pertsonalak zehatzak izango dira, eta, behar izanez gero, eguneratuak. Hori guztia zehaztasun printzipioa betetzeko.

Kontaktua

prestakuntza@ivap.eus