11. modulua kontratazio publikoa ibilbidearen profil hauetan barneratzen da:

• Aurrekontu teknikariak.
• Kontu-hartzaileak / auditoreak.
• Kontratazio-teknikariak; sailekoak eta organo zentralizatuak.

Helburu orokorrak

Administrazio publikoaren eremuan kontratuen betearazpena, aldaketa eta amaiera modu eraginkorrean eta indarrean dagoen araudiaren arabera kudeatzeko, parte-hartzaileei ezagutza eta trebetasunak ematea.

Helburu zehatzak

Kontratua gauzatzean sor daitezkeen gorabeherei aurre egitea, arreta berezia jarriz, egoera zail eta korapilotsuen ebazpenean.

Gaitasunak

Prestakuntza ekintza amaitzean ikaslea gai izango da:

• Kontratuak aldatzearen kontzeptua eta administrazio-kudeaketan dituen inplikazio praktikoak ezagutzea.
• Kontratuak aldatzeko legezko ahalak aztertu eta aplikatzea, aurreikusi gabeko eta aurreikusitako aldaketen artean bereiziz, baita horien funtsezko mugak ere.
• Azpikontratazioa behar bezala erabiltzea, azpikontratistaren eskubideak bermatuz.
• Kontratuak etetearekin lotutako prozedurak erabiltzea, legezko inplikazioak eta inplikazio operatiboak ebaluatuta.
• Kontratu-baldintzak sustatzen dituen zigorren erabilera eraginkorra.
• Kontratua azkentzeko kasuak ebaztea, kasuak eta araugintza-prozedurak xehetasunez aztertuz.

• Kontratuaren aldaketa: kontzeptua eta gorabeherak. Kontzeptua, oinarriak eta ondorioak.
• Kontratua aldatzeko ahalmena. Legezko mugak eta “ius variandi”aren kontrola.
• Aurreikusitako eta aurreikusi gabeko aldaketak (SPKL 204 art. eta 205 art.).
• Muga substantiboak: izaera orokorra, oreka ekonomikoa eta gehieneko ehunekoak.
• Kontratua aldatzeko prozedura. Aldaketaren nahitaezkotasuna.
• Aldaketak obra-, zerbitzu- eta hornidura-kontratuetan.
• Azpikontratazioa kontratu-prestazioa gauzatzean; azpi kontratistarentzako bermeak.
• Kontratua etetea: zergatiak, prozedura eta kalte-ordainen ondorioak.
• Atzerapenagatiko edo ez-betetzeagatiko zigorrak: kalkulua, ezarpena eta ondorioak.
• Kontratua suntsiaraztea: kasuak eta prozedura. Arrazoiak, prozedura eta ondorio ekonomikoak.
• Prestazioa ematea eta jasotzea: aktak, epeak eta erantzukizunak.
• Administrazioaren prezioa eta berankortasuna ordaintzea: prozedura, interesak eta prezioen berrikuspena.

Metodologia

Eduki teorikoak azalduko dira powerpoint aurkezpenez lagunduta, eta saioetan zehar, egoera praktikoak aztertuko dira taldean.

EBALUAKETA

Ebaluaketaren helburua: Ikastaroaren helburu orokor eta zehatzak bete edo lortu direla bermatzea.

Ebaluaketak jaso beharko du: Azken saioan zehar 3 erantzun posible dituzten 30 alderez osatutako galdetegia burutuko da. Proba gainditzeko gutxienez 18 erantzun zuzen lortu beharko dira, eta erantzun okerrak ez dira zigortuko. Galdetegia osatzeko 25 minutuko tartea izango da. Adibidea: Sektore Publikoko Kontratuei buruzko Legearen (SPKL) 208. artikuluaren arabera, kontratua eteten bada, gastu hauetako zein erreklamatu diezaioke kontratistak Administrazioari, baldintza-agiriak kontrakoa xedatzen ez badu?

1. Behin betiko bermea mantentzeko gastuak, makinen alokairuak eta etendako kontratuarekin zerikusirik ez duten beste kontratuetatik eratorritako edozein kalte-ordain.
2. Behin betiko bermea mantentzeko gastuak, berrerabili ezin diren makinen alokairuak eta etenaldian atxikitako langileen soldata-gastuak.
3. Enpresako edozein langileren soldata-gastuak, etendako kontratuari lotuta dagoen alde batera utzita, eta enpresaren edozein gastu orokor.

APROBETXAMENDUA

Bete beharreko baldintzak:

• %80ko bertaratzea
• Aprobetxamendu proba gainditzea

Ziurtapen elektronikoaren mezua jaso bezain pronto ziurtagiri digitala eskuragarri izango duzu. IVAPekiko izapideak atalean sartu, eta Ziurtatzeak botoia sakatu.

Erantzukizunpeko adierazpena aurkezteko azken eguna: irailak 30

Baldintza Teknikoak

• Ezinbestekoa da posta elektronikoko kontu korporatibo bat izatea, ikastarora joango den pertsona modu unibokoan identifikatzeko. Ez dugu onartuko postu bati esleitutako edo partekatutako posta- konturik.
• Datuak Babesteko Erregelamendu Orokorraren (DBEO) 5.1 d) artikuluan xedatutakoaren arabera, datu pertsonalak zehatzak izango dira, eta, behar izanez gero, eguneratuak. Hori guztia zehaztasun printzipioa betetzeko.

Kontaktua

prestakuntza@ivap.eus