• Oinarrizko ikastaroak:
  • Emakumeen eta gizonen berdintasunari buruzko oinarrizko prestakuntza
  • Formación básica sobre igualdad de mujeres y hombres
• Berariazko ikastaroak:
  
  • Fitxa honen xede den ikastaroa
  • Genero-indarkeriari buruz jakin behar duzuna
  • Lo que tienes que saber de la violencia de género
  • Hacia un uso igualitario del lenguaje y la comunicación en la administración
  • Análisis de datos e indicadores de género
  • Herritarrei arreta emateko tresna baliagarriak berdintasuna lortzeko bidean
  • Eguneroko lanari genero ikuspegia txertatu
  • Herramientas útiles para la consecución de la igualdad en la atención a la ciudadanía
  • Integrar la perspectiva de género en el trabajo diario

Helburu orokorrak

• Emakumeen eta gizonen artean gaur egun dagoen desberdintasunari buruz eta desberdintasun hori gutxitzera bideratutako politika publikoak ezartzeko beharrari buruz hausnartzea ahalbidetzen duten kontzeptuetara hurbiltzea.
• Diskriminazioaren egiturazko jatorria eta emakumeek eta gizonek espazio desberdinetan duten jarrera desberdina testuinguruan kokatzea eta haien rolak identifikatzea (diskriminazioa betikotzea).
• Berdintasun-politiken testuinguruari, esparruari eta ibilbide historikoari buruzko oinarrizko ezagutzak eskuratzea.

Gaitasunak
Prestakuntza-ekintza amaitzean, ikaslea gai izango da:

• Desberdintasuna gizartean eraikitzen laguntzen duten sozializazio-mekanismoak azaltzeko.
• Gizartean emakumeei eta gizonei esleitzen zaizkien rol eta zeregin desberdinei buruz jarrera kritiko bat garatzeko.
• Lan-jardueran emakumeen eta gizonen berdintasunaren arloan jarduteko estrategia batzuk identifikatzeko.
• Erakundeek benetako berdintasuna lortzeko hasitako ekintzak definitzeko, eta gomendioak txertatzeko lan eremuan.
  
  
  

I.MODULUA: Zer dakarte denboraren erabilera berriek: erreferentzia-esparrua eta balio- aldaketa

1. Zergatik sortzen da egungo gizartean kontziliatzeko premia?
2. Esparru teorikoa sexu-genero sistema Bizitza pertsonala, familia-bizitza eta lan-bizitza kontziliatzea: Arauen eta erakundeen esparrua.
3. Zergatik da garrantzitsua berritzea denboraren erabilerei dagokienez: hausnarketak eta zifrak.
4. Gaiarekin zerikusia duten kontzeptuak, esate baterako: lanaren banaketa sexuala, lan produktiboa eta ugalketa-lana, erantzukidetasuna, irisgarritasuna, mugikortasuna, erantzukizun sozial korporatiboa, kontziliazioa, jasangarritasuna, berrikuntza, etab.
5. Denborari buruzko politika politikoak.
6. Denboraren erabilerak kudeatzearen erronkak

II.MODULUA:Denboraren erabilerak, teoriatik praktikara

1. Norantz doa gure denbora? Etorkizuneko agertokiak eta kultura-aldaketa.
2. Eguneroko bizitzako denborak eztabaidagai: lana, aisia, herritarrak, familia, militantzia, kirola, elkartasuna...
3. Kontziliazioarekin lotutako argi-ilunak. Elementu gakoak kontziliazioan eta erantzunkidetasunean eta ikuspegi berriak: Pertsonak, antolakuntza eta gizartea.

III.MODULUA: Jardun onak eta baliabide interesgarriak

1. Denboraren erabilerari buruzko ikerketak. Ekimenak (Concilia + del, Eusko Jaurlaritzarena)
2. Sareak, maila publiko edota pribatua (denBBora Sarea, TEMPO sarea/ Frantzia, REPTAT/ Europa, NUST/ Bartzelonako Udala, etc.)
3. Jardun onak enpresetan.
4. Jardun onak baliabide publikoetatik.

Metodologia

Autoprestakuntzako ekintza honek bi ardatz nagusi ditu: plataforma birtuala eta tutoretzak. Ikaskuntzaren oinarrian, sistema dinamiko bat dago, ikasleek aktiboki parte har dezaten; tutoreak gidatzen du ikaslea, eta ikasleak, berriz, banakako lana eginez eta elkarlanean arituz ikasten du. Ikastaroak 3 zati ditu, eta jarduera desberdinak. Ikasleen ikastaldia osatzeko bideak: ikastaroko dokumentaziora eta irakurtzeko esteketarako sarbidea; foroetan parte hartzea; ariketa praktikoak eta galdetegiak egitea, eta tutorearekin beti harremanetan egotea, plataformaren bidez.

Ebaluazioa
Ebaluazioaren helburua izango da ikastaroaren helburuak betetzen direla bermatzea. Ikastaroaren ebaluazioan, 9 kasu praktiko daude. Jarduera batzuk on-line egin behar dira, eta beste batzuk, ordenagailuan, gero plataforma birtualean jartzeko; tutoreak zuzenduko ditu, plataformatik, eta lanaren feedback bat itzuliko du. Jarduerak egiteko epeak orientagarriak dira; tutoreak finkatuko ditu, eta plataformako egutegian ikusi ahalko dira

Aprobetxamendua
Aprobetxamendu-egiaztagiria lortzeko bete beharreko baldintzak:

• Gutxienez 7 jarduera gaindituta izatea

Ziurtagiriak
Ikastaroaren aprobetxamendu-ziurtagiria eskuragarri izango duzu posta elektronikoak jakinarazpena jasotakoan. Sartu "IVAPekiko izapideak", "Ziurtatzeak" atalean.

Baldintzak

Posta elektronikoko kontu korporatibo bat, ikastarora joango den pertsona modu unibokoan identifikatzeko. Ez dugu onartuko postu bati esleitutako edo partekatutako posta-konturik. Datuak Babesteko Erregelamendu Orokorraren (DBEO) 5.1 d) artikuluan xedatutakoaren arabera, datu pertsonalak zehatzak izango dira, eta, behar izanez gero, eguneratuak. Hori guztia zehaztasun-printzipioa betetzeko.

Eskakizun teknikoak

• Nabigatzaileak: Microsoft Edge, Mozilla Firefox edo Chrome eguneratuak
• Interneterako konexioa, eta YouTube zerbitzuko atzipena zabalik

Laguntza

Laguntza teknikoa behar izanez gero:

• Deitu CAUko telefono zenbakira (945016) 440
• Astelehenetik ostiralera 08:00etatik 20:00etara

Administrazio-gaiekin lotutako kontsultak egiteko: prestakuntza@ivap.eus