Dagozkion funtzioak garatzeko batetik bestera mugitu beharko du. Edonola ere, Haziren hiru egoitzetako edozein izan daiteke haren lantokia: Donostia (Gipuzkoa), Abadiño (Bizkaia) edo Arkaute (Araba) hautagaiak aukeratuko duena.

MISIOA:

Arlorako definitutako jardun-ildoen barruan, elikaduraren ekosisteman, zuraren balio-katean eta landa- eta itsasertz-ingurunean berrikuntza bultzatzeko ekintzak eta dinamikak diseinatu eta garatzea, jasangarritasunari laguntzeko, parte hartzen duen berrikuntza-proiektuak kudeatuz, eta bere zereginaren azken emaitza bere gain hartuz arloaren barruan erantzukizun handiagoa duten postuen aurrean eta, hala dagokionean, azken bezeroaren aurrean.

ERANTZUKIZUN ARLO NAGUSIAK ETA FUNTZIOAK:

• Elikagaien ekosisteman berrikuntzarako laguntzak kudeatzea
• Elikadura-ekosistemaren arloko berrikuntza-proiektuak kudeatzea
• Berrikuntza sustatzen duten planak eta ekintzak diseinatzea eta martxan jartzea bultzatzea
• Berariazko ezagutza teknikotik abiatuta, berrikuntza-plan, -programa eta -ekintzei buruzko aholkularitzan, diseinuan eta segimenduan laguntzea
• Berrikuntza-eragileen sarea koordinatzen parte hartzea
• Analisi- eta kudeaketa-tresna teknologikoen erabileran aholkatzea (Business Analytics, IA, Data Mining, ERP…)
• Partzuergoetako proiektuen identifikazioan, definizioan eta garapen teknikoan aktiboki parte hartzea
• Prestakuntza-ekintzak eta dibulgazio-ekintzak egitea
• Etengabeko eguneratze teknikoa eta bere ezagutza-eremuko artearen egoera izatea
• HAZI Fundazioko barne-prozesuei buruzko araudia betetzea

Unibertsitateko diplomatura/gradua: Ingeniaritza (agronomoa, basogintza, informatika, industria…), Kudeaketa eta Ekonomia (ADE, Ekonomia Zientzia, Enpresa Zientzia…), Datuen Zientzia /Big Data eta Analitika, Berrikuntza eta Ekintzailetza Teknologikoko graduak, Berrikuntzaren eta Teknologiaren Kudeaketa, eta lanpostuarekin lotutako beste batzuk.

B2 Euskaraz

Baldintza ezinbestekoak eta baztertzaileak:

• Gutxieneko esperientzia: 2 urte berrikuntzari lotutako elikaduraren balio-katearen sektorean
• Euskarako B2 maila, edo baliokidea.
• B motako gidabaimena
• Desplazatzeko prest egotea.

Hautaketa-proba horiek egiteko onartuak izateko, izangaiek honako baldintza hauek bete beharko dituzte eskabideak aurkezteko epea amaitzen den egunean:

a) Espainiarra izatea, Europar Batasuneko estatu kide bateko nazionala edo Europako Erkidegoak izenpetu eta Espainiak berretsitako nazioarteko itunen (langileen zirkulazio askea jasotzen dutenek) aplikazio-eremuan sartzen den estatu bateko nazionala izatea. Era berean, pertsona espainiarren ezkontideak, Europar Batasuneko estatu kide bateko nazionalitatea dutenek eta aipatutako Nazioarteko Tratatuen aplikazio-eremuan dauden estatuetako nazionalitatea dutenek ere parte hartu ahal izango dute, baldin eta zuzenbidez bananduta ez badaude, bai eta pertsona horien ondorengoek eta ezkontidearen ondorengoek ere, betiere zuzenbide-banaketarik ez badago, 21 urtetik beherakoak edo adin horretatik gorakoak badira eta pertsona horien kontura bizi badira.

b) Diziplina-espediente bidez sektore publikoko edozein erakundetatik bereizita ez egotea, eta sektore publikoan eginkizunak betetzeko desgaituta ez egotea. Espainiar nazionalitatea ez duten izangaiek ez dute diziplina-zehapenik edo zigor penalik izan beharko, beren estatuan sektore publikora sartzea eragozten dienik.

c) Eskatutako titulua izatea edo lortzeko moduan egotea eskabideak aurkezteko epearen barruan. Atzerrian lortutako titulazioen kasuan, homologazioa egiaztatzen duen dokumentazioa eduki beharko da.

Honako hauek baloratuko dira:

1.- Lanposturako espezifikoak:

Balorazioa idatzizko proba baten bidez egingo da, profilean adierazitako ezagutzetan oinarrituta. Gehieneko puntuazioa 45 izango da, eta honela banatuko da:

• Lan-arloarekin zerikusia duten berrikuntza-arloko eta Europako programetako politika, araudi eta jarduera-programak ezagutzea eta esperientzia izatea. (0-5 puntu)
• Plangintza estrategikoaren oinarriak ezagutzea (0-5 puntu)
• Euskadiko sare sektoriala, lurralde sarea eta egitura instituzionala ezagutzea, eta horretan eskarmentua izatea (0-6 puntu)
• Lankidetzako berrikuntza-proiektuen eta berrikuntzaren dinamizaziorako metodologien ezagutza eta esperientzia. (0-6 puntu)
• Laguntza eta diru-laguntzen kudeaketa publikoaren ezagutza eta esperientzia aurreratuak (0-4)
• Nekazaritzako elikagaien sektoreari aplikatutako metodologien eta teknologien ezagutza eta esperientzia (0-6)
• Business Analytics, Adimen Artifiziala, Data mining, ERP tresnen eta aplikazio praktikoen ezagutza funtzionala (0-6)
• Batez besteko ezagutza eta esperientzia proiektuen eta haien baliabideen kudeaketan (0-4 puntu)
• Espedienteen kudeaketan eta txosten teknikoak idazten jakitea eta eskarmentu handia izatea. (0-3 puntu)

Fasea gainditzeko, 25 puntutan ezarritako ebaketa-lerroa gainditu beharko da.

2.-Frogatutako esperientzia:

Berrikuntzari lotutako elikaduraren balio-katearen sektorearekin zerikusia duten lanetan erakutsitako esperientzia baloratuko da, baremo honen arabera:

• 2-3 urteko esperientzia (0-4 puntu)

• 3-4 urteko esperientzia (0-8 puntu)

• 4 urtetik gorako esperientzia (0-13 puntu)

3.- Gaitasunak:

Gaitasunak 0 eta 30 puntu bitarteko elkarrizketa pertsonalen bidez baloratuko dira.

Prozesu honen xede den lanpostua betetzeko behar diren gaitasunak, batera baloratuko direnak, honako hauek dira:

• Ikuspegi estrategikoa
• Malgutasuna eta proaktibitatea
• Ekimena eta sustapena
• Komunikaziorako eta pertsonen arteko harremanetarako trebetasunak
• Diziplina ugaritako taldeetan eta lankidetzan lan egitea
• Antolatzeko eta planifikatzeko gaitasuna

4- Prestakuntza osagarria eta hizkuntzak:

Izaera ofiziala edo Ministerioak homologatutakoa duten ziurtagiri edo titulazio akademikoak baino ez dira baloratuko. Ez dira kontuan hartuko homologatu gabeko berezko tituluak.

Alderdi hauek baloratuko dira, gehienez ere 12 punturekin (egiaztapen ofizialaren bidez), baremo honen arabera:

• Beste gradu, diplomatura edo lizentziatura batzuk (bakoitzeko 1 puntu, gehienez 2 puntu)
• Lanpostuaren arloarekin zerikusia duten master edo graduondokoak, hala nola, MBA, MPM, Elikagaien Industriako Kudeaketa Masterra, Ekintzailetza eta Berrikuntza Masterra, Nekazaritza Digital eta Berrikuntzako Masterra, Eraldaketa Digitaleko Masterra eta Adimen Artifizialeko Masterra (1 puntu bakoitzeko, gehienez 3 puntu)
• Lanpostuarekin zerikusia duten ikastaro espezifikoak (1 puntu ikastaroko, gehienez 3 puntu). Gutxienez 35 orduko ikastaroak baino ez dira kontuan hartuko.
• Euskara C1 mailan (+1 puntu)
• Euskara C2 mailan (+2 puntu)
• Ingelesa (+1 puntu, gutxienez B2 mailarekin)
• Frantsesa (+1 puntu, gutxienez B2 mailarekin)

Azken balioespenean, aipatutako atalek ekarpen hau izango dute:

• Ezagutzak: % 45 (gehienez: 45 puntuak)
• Frogatutako esperientzia: % 13 (gehienez: 13 puntu)
• Prestakuntza osagarria eta hizkuntzak: % 12 (gehienez: 12 puntu)
• Konpetentziak: % 30 (gehienez: 30 puntu)

GUZTIRA: % 100 (gehienez guztira: 100 puntu)

Interesdunek honako helbidera bidali beharko dute hautagaitza Berrikuntza Teknikaria ( Elikagaien sektorea) en San Sebastian/Donostia, España

Egin lan gurekin – Hazi