ASPECTOS SOCIALES Y MEDIOAMBIENTALES DE LA CONTRATACIÓN PÚBLICA. HIZKUNTZA KLAUSULAK (2025/13/3/12)
Presentziala
Ekitaldiaren deskribapena
Hizkuntza, gizarte eta ingurumen klausulak kontratazio publikoan.
- Arloa: Ekonomia eta Ogasuna
- Modalitatea: Aurrez aurrekoa
- Hartzaileak: Eusko Jaurlaritzako eta bere EAko kontu-hartzaileak, auditoreak eta kontratazio teknikariak.
- Egutegia:
- Ikastaroaren egunak: azaroaren 5a, 6a, 7a
- Ordutegia: 10:30 - 14:30
- Iraupena: 12 ordu
- Izena emateko epea: 2025eko irailaren 1etik 29ra
- Oniritzi epea: 2025eko irailaren 30etik urriaren 3ra
- Baja emateko azken eguna: 2025eko azaroaren 4a
- Hizkuntza:
Hizkuntza klausulak: euskera.
Gainontzeko klausulak: gaztelera
- Irakasleak: EIDER LARRAZABAL ASTIGARRAGA, XABIER LOIZAGA PRIETO, LOREA SERRATO LASAGABASTER
- modulua kontratazio publikoa ibilbidearen profil hauetan barneratzen da:
- Kontu-hartzaileak / auditoreak
- Kontratazio-teknikariak; sailekoak eta organo zentralizatuak.
Helburu orokorrak
- Kontratazio publikoan euskara, berdintasun eta ingurumen betekizunak txertatzeko marko juridikoa eta aukera desberdinak ezagutzea azken adierazpenak kontuan hartuta.
- Kontratazio publikoan genero-ikuspegia duten klausulak txertatzeko ezagutza teorikoak eta praktikoak eskuratzea.
Helburu zehatzak
Ikastaroaren helburu zehatzak
- Aplikatu beharreko esparru juridikoa aztertzea
- Kontratazio publikoaren ezaugarri nabarmenak identifikatu.
- Kontratazio publikoan eman diren azken adierazpenen analisia egin, baita jurisdikzio-auzitegi garrantzitsuenen epaiak ere.
- Euskal autonomia erkidegoan euskararen betekizunekin lotutako araudia identifikatu, eta araudi horrek euskara betekizunak kontratazio publikoan txertatzeko baldintzak (aukerak eta mugak) ezagutu.
Gaitasunak
Prestakuntza ekintza amaitzean ikaslea gai izango da:
- Marko juridikoa ondo identifikatzeko
- Euskara betekizunaren bideragarritasuna ezagutzeko
- Euskara betekizunak kontratazio publikoko klausula desberdinetan sartzeko.
- Hobeto identifikatzeko aplikatu beharreko araudiaren, eta auzitegietako ebazpenen eta epaien arteko kontraesanak.
- Klausulak segurtasun juridiko handiagoz proposatzeko eta sortzeko.
Hizkuntza-irizpideak
- Kokapena: zerbitzu-kontratuen azterketa.
- Epaien ondoriozko gai juridiko garrantzitsuak.
- Kontratazio Publikoan euskara-baldintzak barneratzeko dauden aukera nagusiak azaltzea (erabilgarriak izan daitezkeen atalak).
- Kontratazio publikoan euskara-baldintzak integratzeko, kontuan hartu beharreko elementu garrantzitsuak:
- Eskumenak
- Espedientearen justifikazioa eta lotura kontratuaren xedearekin.
- Klausularen argitasuna.
- Hizkuntza-betekizunak langileen subrogazio-kasuetan.
- Ondasunak zehazteko askatasuna kontratistaren eta Administrazioaren artean, hizkuntza aukeraketari dagokionean.
- Hitzarmen kolektiboek izan dezaketen eragina.
- Epai eta ebazpenen aipamenak eta adibideak.
Berdintasun-klausulak
- 1/2024 Jarraibidea, Euskadiko kontratazio publikoan genero-ikuspegia eta emakumeen eta gizonen berdintasunerako klausulak txertatzeari buruzkoa.
Gizarte eta ingurumen klausulak
- Kontratazio publikoa, SPKLn eta EBko zuzenbidean eta jurisprudentzian gizarte- eta ingurumen-politiken tresna gisa; kontratazio publikoaren beste helburu batzuekiko gatazka.
- Kontratuaren faseetako gizarte- eta ingurumen-alderdiak: preskripzio teknikoak, lizitatzailearen gaitasuna (kaudimena eta kontratatzeko debekuak), esleipen-irizpideak, gauzatzeko baldintza bereziak.
- Gizarte- eta ingurumen-alderdiei buruzko barne-jarraibideak.
- 1/2023 Jarraibidea, Administrazio Orokorraren, Instituzionalaren eta Euskadiko Sektore Publikoa osatzen duten gainerako erakundeen erosketetan eta kontratazioan ingurumen-klausulak txertatzeari buruzkoa.
Metodologia
Ariketa eta adibide praktikoez lagundutako azalpen teorikoak.
EBALUAKETA
Ebaluaketaren helburua: Ikastaroaren helburu orokor eta zehatzak bete edo lortu direla bermatzea.
Ebaluaketak jaso beharko du:
Saio bakoitzeko proba bana. Gainditzeko, proba bakoitzean 10etik gutxienez 6 puntu lortu beharko dira, eta erantzun okerrak ez dira zigortuko. Ebaluaketa gainditzeko 3 probak gainditzea ezinbestekoa da.
1. saioa: Saioaren azken 20 minutuetan burutuko den 10 galderez osatutako test erako proba izango da. Adibidea: Euskal Sektore publikoan euskararen erabilera normalizatzeko otsailaren 22ko 19/2024 Dekretuaren 13.1 artikuluan xedatutakoaren arabera, baldintza-agiriek baldintza berezi gisa jasoko dute herritarrei arreta hauek aukeratzen duten hizkuntza ofizialean emango zaiela bermatzeko plan bat egitea:
- Edonola ere, kontratuaren xedea edozein dela ere.
- Kontratuaren xedean eta PPTn funtsezkotzat jo denean kontratistaren eta administrazioaren arteko komunikazioak euskaraz egin behar izatea, eta kontratistak euskaraz ez dakienean.
- Herritarrekiko harreman zuzena duen prestazio baten aurrean gaudenean.
2. saioa: Erantzun zuzen bakarra duten 10 galderez osatutako test erako proba. Saioan zehar burutuko da, eta galdetegia osatzeko 15 minutuko tartea izango da. Adibidea: Material informatikoa erosteko hornidura-kontratu bat lizitatuko da. Genero-ikuspegia duten klausulak proposatzea dagokizu. Aukeratu egoera honetan hartuko zenituzkeen erabakiak: Klausula motak proposatzerakoan:
- Ez nuke genero-ikuspegia duen klausularik jasoko, hornidura-kontratua delako.
- Genero-ikuspegia duen klausula bat jasoko nuke, baldin eta kontratatutako prestazioa gauzatuko duen plantilla argi eta garbi identifikatu ahal izango balitz.
- Genero-ikuspegia duen klausula bat jasoko nuke.
- Guztiak okerrak dira.
3. saioa: Erantzun zuzen bakarra duten, 10 galderez osatutako test erako proba. Saioan zehar burutuko da eta galdetegia osatzeko 15 minutuko tartea izango da. Adibidea: Legeak kontratazio-organoari ezartzen dio baldintza-agirian ezarri behar duela, gutxienez, SPKLren 202. artikuluan zerrendatzen diren ingurumen-arloko, gizarte-arloko edo enpleguari buruzko baldintza berezietako bat.
- Egia
- Gezurra
- Obra-kontratuetan bakarrik.
- Erregulazio harmonizatuko kontratuetan bakarrik.
APROBETXAMENDUA
Bete beharreko baldintzak:
- %80ko bertaratzea
- Aprobetxamendu proba gainditzea
Ziurtapen elektronikoaren mezua jaso bezain pronto ziurtagiri digitala eskuragarri izango duzu. IVAPekiko izapideak atalean sartu, eta Ziurtatzeak botoia sakatu.
Baldintza Teknikoak
- Ezinbestekoa da posta elektronikoko kontu korporatibo bat izatea, ikastarora joango den pertsona modu unibokoan identifikatzeko. Ez dugu onartuko postu bati esleitutako edo partekatutako posta- konturik.
- Datuak Babesteko Erregelamendu Orokorraren (DBEO) 5.1 d) artikuluan xedatutakoaren arabera, datu pertsonalak zehatzak izango dira, eta, behar izanez gero, eguneratuak. Hori guztia zehaztasun printzipioa betetzeko.
Kontaktua
Informazio zehatza
- Antolatzailea:
- IVAP
- Ekitaldi-mota:
- Ikastaroa
- Hasiera data - Amaiera data:
- -
- Ordutegia:
- Gela:
- Lakua Ieko sotoko 25. gela
- Lekuaren xehetasun gehiago:
- DONOSTIA-SAN SEBASTIÁN 1 - VITORIA-GASTEIZ, PK: 01010
Izen-ematea
- Prezioa:
152,25€
Agindua, 2022ko ekainaren 20koa, Gobernantza Publiko eta Autogobernuko sailburuarena, Herri Arduralaritzaren Euskal Erakundeak ematen dituen jarduera eta zerbitzuen prezio publikoen diruzenbatekoa ezartzen duena (uztailaren 8ko EHAA, 132. zk.).
- Jarraibideak:
Sartu IVAPeko webguneko Prestakuntza atalean eta IVAPekiko izapideak arlora jo. Identifikatu ziurtagiri digitala edo XLNetS bidez, erabiltzailea eta pasahitza erabiliz. Berrikusi zure datu pertsonalak, bereziki posta elektronikoa eta telefonoa (oker badaude zuzendu), "Nire datuak" atalean. Ondoren, sakatu "Eskaerak" botoia eta aukeratu eskaera berria.