EL OBJETO DEL CONTRATO. TIPOS DE CONTRATO (2025/13/3/15)

Presentziala

Kontratuaren xedeak sortu eta kontratu motak hautatzen jakitea.

  • Arloa: Ekonomia eta Ogasuna
  • Modalitatea: Aurrez aurrekoa
  • Hartzaileak: Eusko Jaurlaritzako eta bere EAtako aurrekontu teknikariak, kontu-hartzaileak, auditoreak, kontratazio-teknikariak, eta kontratuak sustatzen dituzten zerbitzuetako teknikariak edota arlo/zerbitzu arduradunak.
  • Egutegia:
    • Ikastaroaren egunak: ekainaren 11, 12a, 13a
    • Ordutegia: 09:45 - 13:45
    • Iraupena: 12 ordu
    • Izena emateko epea: 2025eko apirilaren 4tik maiatzaren 5era
    • Oniritzi epea: 2025eko maiatzaren 6tik 9ra
    • Baja emateko azken eguna: 2025eko ekainaren 10a
  • Hizkuntza: gaztelera
  • Irakasleak: JON JOSEBA SALAZAR IZAGUIRRE

  1. modulua kontratazio publikoa ibilbidearen profil hauetan barneratzen da:
  • Aurrekontu teknikariak.
  • Kontratuak sustatzen dituzten zerbitzuetako teknikariak.
  • Kontu-hartzaileak / auditoreak.
  • Kontratazio-teknikariak; sailekoak eta organo zentralizatuak.

Helburu orokorrak

Kontratu-mota aukeratzen jakitea eta kontratuaren pleguak egiteko orduan kontratuaren xedea zehaztasunez definitzea.

Helburu zehatzak

Administrazio Klausula Partikularren Pleguak egiterakoan dauden arazo nagusiak antzematea.

Gaitasunak

Prestakuntza ekintza amaitzean ikaslea gai izango da:

  • Dagokion kontratu-mota sortu, eta kontratuaren xedea definitzea, zatikatzea edo lehiaren aurkako jardunbideak bezalako arazorik sortu gabe.
  • Plegu bat egitearen alderdi nagusiak identifikatzea.

Kontratuaren xedea:

  • Kontratuaren xedea zehaztea, bereziki, preskripzio teknikoak (kontzeptua, preskripzioak deskribatzeko moduak, "sartzeko oztopoak").
  • Kontratuaren xedea zatitzeko eta lotetan banatzeko debekua.
  • Kontratuaren lehiaren aldeko diseinua.
  • Botere esleitzailearen diskrezionalitatea kontratuaren objektuaren konfigurazioan eta bere mugetan, bereziki autoritatea erabiltzea dakarten zerbitzuak eta negoziazio kolektiboko akordioetan zerbitzuak kanpora ateratzeko ezarritako mugak.
  • Kontratuaren alderdi ekonomikoa: balio zenbatetsiak, lizitaziorako oinarrizko aurrekontua eta prezioa. Aurrekontua merkatura egokitzeko mandatua. Prezio ziurraren printzipioa, prezioa finkatzeko moduak, prezioak berrikustea.
  • Kontratuaren indarraldia: kontratuen iraupenaren legezko mugak, kontratu-prestazioaren ezaugarriekin duen lotura, emaitza-kontratuak eta ondoz ondoko prestazio-kontratuak, kontratu-luzapena.

Kontratu motak:

  • Obra-kontratua: kontzeptua, proiektu- eta obra-kontratua.
  • Hornidura-kontratua: hornidura-kontratuaren kontzeptua eta motak (bereziki, ondasun higigarrien alokairua eta ondoz ondoko prestazioko hornidura-kontratuak).
  • Zerbitzu-kontratuak: kontzeptua.
  • Emakida-kontratuak: kontzeptua (bereziki, arrisku operatiboaren transferentzia, eskari-arriskua eta hornidura-arriskua).
  • Administrazio-kontratu bereziak.
  • Arau harmonizatupeko kontratuak.
  • Administrazio-kontratuak eta kontratu pribatuak.

Metodologia

Egoera praktikoekin uztartutako azalpen teorikoak. Ikasleen parte hartzea eskatuko da.

EBALUAKETA

Ebaluaketaren helburua: Ikastaroaren helburu orokor eta zehatzak bete edo lortu direla bermatzea.

Ebaluaketak jaso beharko du: Azken saioan zehar 10 galderez osatutako test erako proba egingo da. Gainditzeko, 10etik gutxienez 6 puntu lortu beharko dira, eta erantzun okerrak ez dira zigortuko. Galdetegia osatzeko 20 minutuko tartea izango da. Adibidea: Sektore Publikoko Kontratuen 9/2017 Legearen 29.4 artikuluaren arabera, oro har:

  1. Ondoz ondoko zerbitzu-kontratuek gehienez ere bost urteko iraupena izango dute, balizko luzapenak kontuan hartu gabe.
  2. Ondoz ondoko zerbitzu-kontratuek gehienez ere bost urteko iraupena izango dute, balizko luzapenak barne.
  3. Ondoz ondoko zerbitzu-kontratuek gehienez lau urteko iraupena izango dute, luzapenak barne.
  4. Ondoz ondoko zerbitzu-kontratuek ez dute iraupen mugatuko gehieneko eperik.

APROBETXAMENDUA

Bete beharreko baldintzak:

  • %80ko bertaratzea
  • Aprobetxamendu proba gainditzea

Ziurtapen elektronikoaren mezua jaso bezain pronto ziurtagiri digitala eskuragarri izango duzu. IVAPekiko izapideak atalean sartu, eta Ziurtatzeak botoia sakatu.

Baldintza Teknikoak

  • Ezinbestekoa da posta elektronikoko kontu korporatibo bat izatea, ikastarora joango den pertsona modu unibokoan identifikatzeko. Ez dugu onartuko postu bati esleitutako edo partekatutako posta- konturik.
  • Datuak Babesteko Erregelamendu Orokorraren (DBEO) 5.1 d) artikuluan xedatutakoaren arabera, datu pertsonalak zehatzak izango dira, eta, behar izanez gero, eguneratuak. Hori guztia zehaztasun printzipioa betetzeko.

Kontaktua

prestakuntza@ivap.eus

Antolatzailea:
IVAP
Ekitaldi-mota:
Ikastaroa
Hasiera data - Amaiera data:
-
Ordutegia:
Gela:
Lakua Ieko sotoko 31. gela
DONOSTIA-SAN SEBASTIÁN | DONOSTIA, 1
VITORIA-GASTEIZARABA/ÁLAVA (Espa�a)
Lekuaren xehetasun gehiago:
DONOSTIA-SAN SEBASTIÁN 1 - VITORIA-GASTEIZ, PK: 01010
Ekitaldia deskargatu zure egutegian jartzeko (.ics)
Prezioa:

152,25€

Agindua, 2022ko ekainaren 20koa, Gobernantza Publiko eta Autogobernuko sailburuarena, Herri Arduralaritzaren Euskal Erakundeak ematen dituen jarduera eta zerbitzuen prezio publikoen diruzenbatekoa ezartzen duena (uztailaren 8ko EHAA, 132. zk.).

Jarraibideak:

Sartu IVAPeko webguneko Prestakuntza atalean eta IVAPekiko izapideak arlora jo. Identifikatu ziurtagiri digitala edo XLNetS bidez, erabiltzailea eta pasahitza erabiliz. Berrikusi zure datu pertsonalak, bereziki posta elektronikoa eta telefonoa (oker badaude zuzendu), "Nire datuak" atalean. Ondoren, sakatu "Eskaerak" botoia eta aukeratu eskaera berria.