Bilaketa berria

Bilaketen laguntza

INTRODUCCIÓN Y BUENAS PRÁCTICAS EN INTELIGENCIA ARTIFICIAL. NIVEL BÁSICO (2026/30/20/20)

On-line

Adimen artifizialaren (AA) arloko alfabetatze-ikastaroa da, eguneroko lanean AA tresnak erabiltzen dituzten EAEko Administrazio publikoetan lan egiten duten langile guztiei zuzendua. Ikastaroak AAren ikuspegi orokorra eskaintzen du: haren aukerak eta arriskuak, Europako arau-esparrua (AAren Erregelamendua) eta AA sortzaileko laguntzaileak modu arduratsuan erabiltzeko jardunbide egokiak.

"Gobernantza, Administrazio Digital eta Autogobernu Sailak bultzatutako prestakuntza-ekintza"

  • Arloa: Prestakuntza - Informazioaren eta Komunikazioaren teknologiak
  • Modalitatea: Lineakoa
  • Hartzaileak: Euskal Autonomia Erkidegoko administrazio publikoetan lan egiten duten enplegatu publikoak, eguneroko lanetan adimen artifizialean oinarritutako sistemak, tresnak edo aplikazioak erabiltzen dituztenak edo haiekin elkarreragiten badute
  • Egutegia:
    • Ikastaroaren egunak: 2026ko urriaren 19tik 30era
    • Iraupena: 10 ordu
    • Izena emateko epea:

2026ko abuztuaren 26tik urriaren 1era: Administrazio Orokorra (*)
2026ko abuztuaren 26tik urriaren 8ra: beste administrazio batzuk

    • (*)Oniritzi epea: 2026ko urriaren 2tik 8ra
    • Baja emateko azken eguna: 2026ko urriaren 16a
  • Hizkuntza: gaztelera
  • Ikastarorako sarbidea: https://autoprestakuntza.euskadi.eus/ Ikastaroa hasi baino bi egun lehenago, mezu elektroniko bat jasoko duzu, erabiltzaile-izenarekin eta pasahitzarekin. Gogoratu ikastaroa hasten den egunera arte ez dela sarrera gaituko.
IBILBIDEA

  • ERDI MAILA: ADIMEN ARTIFIZIALEKO SISTEMEN EZARPENA ETA JARRAIPEN PRAKTIKOA

HELBURUAK

Helburu orokorrak
EAEko Administrazio publikoetan lan egiten duten langile publikoak AAren arloan gaitzea, 2024/1689 (EB) Erregelamenduaren 4. artikuluak eskatzen duen alfabetatzeari erantzuteko: teknologiaren oinarrizko ulermena izatea, haren arriskuez jabetzea eta lanpostuan erabilera arduratsurako jardunbide egokiak barneratzea.

Gaitasunak
Prestakuntza-ekintza amaitzean, ikasleak gai izango dira honako hauek egiteko:

  • Adimen artifiziala zer den eta automatizazio tradizionaletik zertan bereizten den ulertzea, euskal sektore publikoko adibideak erabilita.
  • AAren aukerak eta arriskuak identifikatzea, AA sortzailearen berezko arriskuak barne: haluzinazioak, alborapenak eta datu-ihesak.
  • Europako arau-esparrua ezagutzea (AAren Erregelamendua): arriskuen sailkapena, debekatutako praktikak eta herritarrekiko gardentasun-betebeharrak.
  • AA laguntzaileekin (Copilot, ChatGPT eta antzekoak) jardunbide egokiak aplikatzea, eta noiz gelditu eta giza berrikuspena eskatu behar den antzematea.
PROGRAMA

PROGRAMA

  1. Modulua: Zer da AA? Oinarrizko kontzeptuak
    • Ikaskuntza automatikoa eta AA sortzailea: automatizazio tradizionalarekiko aldeak.
    • Euskal sektore publikoan erabil daitezkeen adibideak.
  2. Modulua: Zer AA erabiltzen da Eusko Jaurlaritzan?
    • EAEn ezarritako sistemak: herritarren arreta, dokumentu-kudeaketa eta itzulpena (Itzuli).
    • Eusko Jaurlaritzaren AA estrategia.
  3. Modulua: AAren aukerak eta arrisku orokorrak
    • AAren onurak eta mugak administrazioan.
    • Alborapenak, akatsak eta gardentasun falta.
  4. Modulua: Europako arau-esparrua: AAren Erregelamendua 30 minutuan
    • Zergatik onartu den 2024/1689 (EB) Erregelamendua eta zein diren haren printzipioak.
    • Arriskuen sailkapena: onartezina, handia, mugatua eta txikia.
  5. Modulua: Debekatutako praktikak (5. artikulua)
    • Manipulazio subliminala, puntuazio soziala, denbora errealeko identifikazio biometrikoa eta zaurgarritasunen ustiapena.
    • Adibide eta kontraadibide aplikatuak.
  6. Modulua: AA sortzailearen arriskuak: haluzinazioak, alborapenak eta datu-ihesak
    • Zer diren eta nola hauteman.
    • Zer informazio ez den inoiz partekatu behar; jabetza intelektuala.
  7. Modulua: Jardunbide egokiak Copilot, ChatGPT eta antzeko laguntzaileekin
    • Prompting arduratsua eta emaitzen egiaztapena.
    • Datu sentikorrak eta marka instituzionala.
  8. Modulua: Herritarrekiko gardentasuna (50. artikulua)
    • Noiz eta nola jakinarazi AA batekin elkarreragiten ari garela.
    • Jendaurreko arretako kasuak.
  9. Modulua: Oinarrizko giza gainbegiratzea: noiz gelditu eta berrikuspena eskatu
    • Alarma-seinaleak eta emaitzen gutxieneko baliozkotzea.
    • Eskalatzeko prozedura.

Metodologia

Metodologia
Autoikaskuntzako online prestakuntza-ekintza da, plataforma birtualean eta tutoretzarik gabe. Ikasleak bere erritmoan egingo du aurrera: modulu bakoitzak aurkezpen irisgarri bat, bideo labur bat, informazioa zabaltzeko baliabide ofizialetarako estekak eta behin baino gehiagotan egin daitekeen autoebaluazio-galdetegi bat izango ditu. Galdetegi horrek ez du kalifikaziorako balioko.

EBALUAZIOA

Ebaluazioa
Ikastaroaren helburuak betetzen direla bermatzea izango da ebaluazioaren helburua. Ikastaroaren ebaluaketak 20 galderako test ariketa bat izango du.

Aprobetxamendua
Aprobetxamendu-egiaztagiria lortzeko bete beharreko baldintzak:

  • Ikastaroko eduki guztia ikustea
  • Test itxurako galdetegia gainditzea, gutxienez, 15 erantzun zuzen

Ziurtagiriak
Ikastaroaren aprobetxamendu-ziurtagiria eskuragarri izango duzu posta elektronikoan jakinarazpena jasotakoan. Sartu "IVAPekiko izapideak", "Ziurtatzeak" atalean.

OHARRAK

Baldintzak

Posta elektronikoko kontu korporatibo bat, ikastarora joango den pertsona modu unibokoan identifikatzeko. Ez dugu onartuko postu bati esleitutako edo partekatutako posta-konturik. Datuak Babesteko Erregelamendu Orokorraren (DBEO) 5.1 d) artikuluan xedatutakoaren arabera, datu pertsonalak zehatzak izango dira, eta, behar izanez gero, eguneratuak. Hori guztia zehaztasun-printzipioa betetzeko.

Eskakizun teknikoak

  • Nabigatzaileak: Microsoft Edge, Mozilla Firefox edo Chrome eguneratuak
  • Interneterako konexioa, eta YouTube zerbitzuko atzipena zabalik

Laguntza

Laguntza teknikoa behar izanez gero:

  • Deitu CAUko telefono zenbakira (945016) 440
  • Astelehenetik ostiralera 08:00etatik 20:00etara

Administrazio-gaiekin lotutako kontsultak egiteko: prestakuntza@ivap.eus

Antolatzailea:
IVAP
Ekitaldi-mota:
Ikastaroa
Online ekitaldia
Hasiera data - Amaiera data:
-
Ekitaldia deskargatu zure egutegian jartzeko (.ics)
Prezioa:
88,20€

Agindua, 2022ko ekainaren 20koa, Gobernantza Publiko eta Autogobernuko sailburuarena, Herri Arduralaritzaren Euskal Erakundeak ematen dituen jarduera eta zerbitzuen prezio publikoen diru-zenbatekoa ezartzen duena (uztailaren 8ko EHAA, 132. zk.).

Jarraibideak:

Jarraibideak

  • Eusko Jaurlaritzako sail edo haren Erakunde Autonomoetako enplegatu publikoa bazara:
    • IVAPeko web orriko Prestakuntza atalean sartu eta IVAPekiko izapideak azpi atalera jo, identifikatu; ziurtagiri elektronikoaren edo XLNetSen erabiltzaile eta pasahitzaren bidez. Zure datuak zuzenak direla egiaztatu (helbide elektronikoa eta telefonoa bereziki) "Nire datuak" botoian. Ondoren, "Eskabideak" botoira jo eta eskaera berria aukeratu.
  • Toki eta Foru administrazioetako enplegatu publikoa bazara:
    • Zure erakundean prestakuntza solaskidea baldin baduzu, harekin harremanetan jarri zure eskaria bideratzeko. Arduradun horrek bidaltzen dizkigun eskaerak zuzenean matrikulatuko ditugu, kontrakoa esaten ez dugun bitartean.