Helburu orokorrak

• Immigrazioari eta kultura-aniztasunari buruzko ezagutza zabaltzea, errealitate hori kudeatzeko beharraz jabetzea ahalbidetuko duten oinarrizko elementuak emanez, herritarrentzako arreta egokituz eta jardunbide profesional egokiak txertatuz ikuspegi inklusibo, ez-diskriminatzaile eta kulturartekotik.

Helburu zehatzak

• Migratutako biztanleriaren integrazioaren eta euskal gizartearen kulturartekotasunaren aldeko lanbide-zeregina hobetzeko beharrezkoak diren oinarrizko ezagutzak eskuratzea.

Gaitasunak

Prestakuntza-ekintza amaitzean, ikaslea gai izango da:

• Atzerritartasunaren esparru juridikoaren eta horrek gizarteratze-prozesuetan dituen baldintzen ikuspegi orokorra izatea.
• Migrazioa eta euskal gizartearen kultura-aniztasunari egiten dion ekarpena ezagutzea, kultura-aniztasuna kudeatzeko ereduen ezaugarriak identifikatzea, jarrera pertsonalak eta profesionalak kritikoki aztertzea, eta orientabide praktikoak hartzea, herritarren arreta berrikusi eta egokitu ahal izateko.
• Norberarenak ez diren kulturetako pertsonekin eta/edo kulturari dagokionez desberdinak diren inguruneetan eraginkortasunez eta errespetuz moldatzeko beharrezkoak diren gaitasunak ezagutzea.
• Atzerriko etorki, jatorri eta/edo nazionalitateko pertsonen gako batzuk ezagutzera hurbiltzea, administrazioaren erabiltzaile diren aldetik haien harrera eta gizarteratzea erraz baitezakete.

PROGRAMA

Lehenengo saioa:

• Jatorri eta/edo nazionalitate atzerritarreko pertsonen testuinguru juridikoa: atzerritartasun-esparruak dakartzan oztopoen eta ibilbidearen azterketa, eta gizarteratzeko, eskubideak eta betebeharrak baliatzeko eta zerbitzuak eskuratzeko baldintzatzaileak.
• Aholku Sarea, atzerritartasunaren arloko euskal zerbitzu juridikoa.
• Kultura-aniztasuna kudeatzeko ereduak: erreferentziazko esparru kontzeptuala, posizionamendua, printzipioak, eredu bakoitzaren potentzialtasunak eta inplikazioak, kultura-aniztasunaren kudeaketa diskriminazioaren prebentzio gisa.
• Kulturarteko gaitasuna: kontzeptuak mugatzea, kulturarteko gaitasunaren dimentsioak: kulturarteko kontzientzia, gaitasun kognitiboa edo kulturarteko ezagutza, gaitasun emozionala, portaera- eta metodologia-gaitasuna eta kulturarteko komunikazio-gaitasuna.

Bigarren saioa:

• Gizarte-zerbitzuekiko harremanetan gehiengoa duten kultura-kolektiboen gakoak: Latinoamerika.
• Gizarte-zerbitzuekiko harremanetan gehiengoa duten kultura-kolektiboen gakoak: Magreb.
• Gizarte-zerbitzuekin duten harremanean gehiengoa duten kultura-kolektiboen gakoak: Afrika Beltza.
• Gizarte-zerbitzuekiko harremanetan gehiengoa duten kultura-kolektiboen gakoak: Ekialdeko Europa.

Metodologia

Irakasleen azalpena, Power Point eta bideoren baten aurkezpenetan lagunduta, bertaratutakoekin analisi parte-hartzailea bultzatuz.

EBALUAKETA

Ebaluaketaren helburua: Ikastaroaren helburu orokor eta zehatzak bete edo lortu direla bermatzea.

Ebaluaketak jaso beharko du: Azken saioan zehar erantzun anitzeko 12 galderez osatutako test erako proba burutuko da. Erantzun okerrak ez dira zigortuko eta proba gainditzeko gutxienez 8 erantzun zuzen osatu beharko dira. Ariketa burutzeko 15 minutuko tartea izango da. Adibideak:

1. Zein dira Euskadiko biztanleriaren jatorrizko lehen hiru herrialdeak (2022)?

1. Maroko, Errumania eta Venezuela.
2. Maroko, Kolonbia eta Errumania.
3. Maroko, Kolonbia eta Nikaragua.

2. Zein da Espainian egiaztatu beharreko gutxieneko iraunkortasun-jarraia gizarte-sustraitzeagatiko bizileku-baimena lortzeko?

1. Urte bat
2. Bi urte
3. Hiru urte

APROBETXAMENDUA

Bete beharreko baldintzak:

• %80ko bertaratzea
• Aprobetxamendu proba gainditzea

Ziurtapen elektronikoaren mezua jaso bezain pronto ziurtagiri digitala eskuragarri izango duzu. IVAPekiko izapideak atalean sartu, eta Ziurtatzeak botoia sakatu.

BALDINTZA TEKNIKOAK

• Ezinbestekoa da posta elektronikoko kontu korporatibo bat izatea, ikastarora joango den pertsona modu unibokoan identifikatzeko. Ez dugu onartuko postu bati esleitutako edo partekatutako posta-konturik.
• Datuak Babesteko Erregelamendu Orokorraren (DBEO) 5.1 d) artikuluan xedatutakoaren arabera, datu pertsonalak zehatzak izango dira, eta, behar izanez gero, eguneratuak. Hori guztia zehaztasun-printzipioa betetzeko.

Kontaktua

prestakuntza@ivap.eus

Esparrua

EUDEL eta IVAPen arteko lankidetza-hitzarmenetik eratorritako prestakuntza-ekintza.