ProcurCompEU ibilbidea:

• Transparencia y contratación pública: publicidad de la licitación, acceso al expediente, confidencialidad
• Análisis de pliegos de condiciones administrativas y técnicas
• Contratación publica sostenible
• Características de las tipologías contractuales
• Fitxa honen xede den ikastaroa

Berariazko ikastaroa:

• Contrato menor curso teórico-práctico

Helburu orokorrak
Zehaztapen teknikoen idazketan trebatzea, eta preskripzio teknikoen agirian identifikatutako beharrak lantzea.

Gaitasunak
Prestakuntza-ekintza amaitzean, ikaslea gai izango da:

• Baldintza edo zehaztapen teknikoak behar bezala idaztea.
• Kaudimen tekniko eta ekonomikoko irizpide egokiak idaztea.
• Oreka ekonomikoaren kontzeptua eta jarraibide juridikoak ulertzea.
• Kalitate-prezio erlazio onena lortzeko esleipen-irizpide egokiak ezagutzea.
• Aurkeztutako eskaintzak kalitatearen ikuspegitik ebaluatzea.
• Anormaltasunaren justifikazioa noiz onar daitekeen identifikatzea.
• ProcurCompEU konpetentziak eskuratzea:
  • Beharren ebaluazioa
  • Merkatuaren azterketa eta kontsultak
  • Zehaztapen teknikoak
  • Kontratazio plegua
  • Eskaintzen ebaluazioa

1. Merkatuaren azterketa: aurretiazko kontsultak.
   • Ekimen pribatua eta mugak
   • Testuinguru teknikoaren azterketa eta inplikazioak
2. Zerbitzu-kontratuen kostuen azterketa, lizitazioaren oinarrizko aurrekontua zehazteko.
3. Preskripzioak eta horiek egiaztatzeko baldintzak arauz betetzea.
4. Preskripzio teknikoen pleguaren oinarrizko edukia.
5. Preskripzioen plegua idaztea.
6. Prestazioen prezioa ezagutzeko jarraibideak.
7. Saihestu beharreko akatsak eta ezinbesteko edukia.
8. Etiketak.
9. Eskaintzak ebaluatzea.

Metodologia

Autoprestakuntzako online prestakuntza-ekintza hau denbora errealeko eta streaming bidezko saio batean oinarritzen da. Saio horretan, gaian aditua den pertsona batek ikastaroaren programan proposatutako edukiak irakatsiko ditu. Ikasleek, dokumentazio osagarria eta ikastaroaren alderdi garrantzitsuenak laburbiltzen dituen bideo bat jasoko ditu.

Ebaluazioa
Ikastaroaren helburuak betetzen direla bermatzea izango da ebaluazioaren helburua. Ikastaroaren ebaluazioa 10 galderako online test bat izango da, eta galdera bakoitzak 3 erantzun-aukera izango ditu. Proba egiteko, ikasleek emandako edukiaren gainean lan egin beharko dute, gutxi gorabehera 6 orduz.

Aprobetxamendua
Aprobetxamendu-egiaztagiria lortzeko bete beharreko baldintzak:

• Zuzeneko bideokonferentzia saiora bertaratzea.
• Aprobetxamendu-proba gainditzea, gutxienez 7 erantzun zuzen.

Ziurtagiriak
Ikastaroaren aprobetxamendu-ziurtagiria eskuragarri izango duzu posta elektronikoak jakinarazpena jasotakoan. Sartu "IVAPekiko izapideak", "Ziurtatzeak" atalean.

Baldintzak

Posta elektronikoko kontu korporatibo bat, ikastarora joango den pertsona modu unibokoan identifikatzeko. Ez dugu onartuko postu bati esleitutako edo partekatutako posta-konturik. Datuak Babesteko Erregelamendu Orokorraren (DBEO) 5.1 d) artikuluan xedatutakoaren arabera, datu pertsonalak zehatzak izango dira, eta, behar izanez gero, eguneratuak. Hori guztia zehaztasun-printzipioa betetzeko.

Eskakizun teknikoak

• Nabigatzaileak: Microsoft Edge, Mozilla Firefox edo Chrome eguneratuak
• Interneterako konexioa, eta YouTube zerbitzuko atzipena zabalik

Kontratazio publikoko profesionalentzako Gaitasunen Europako Esparrua
ProcurCompEU kontratazio publikoko profesionalentzako konpetentzien esparru europarra da, Europako Batzordeak gomendatua, EBko estatu kideak kontratazio publikoaren profesionalizazioa areagotuko duten politikak eta ekimenak garatzera animatzeko. Konpetentzien esparrua tresna bat da, kontratazio publikoko profesionalek beren lana eta zereginak modu eraginkor eta efizientean egiteko izan behar dituzten ezagutzak eta gaitasunak definitzen dituena. Kontratazio publikoko profesional horiek egin ohi dituzten jarduerak, zereginak eta oinarrizko erantzukizunak hogeita hamar konpetentzien inguruan deskribatzen eta egituratzen dira, 2 kategoria nagusi dituzte eta, aldi berean, kontratazioko 6 konpetentzia-taldetan sailkatzen dituzte:

1. Berariazko konpetentziak: horizontalak, esleitu aurrekoak eta esleipenaren ostekoak.
2. Konpetentzia orokorrak: pertsonalak, pertsonak eta errendimendua.

Laguntza

Laguntza teknikoa behar izanez gero:

• Deitu CAUko telefono zenbakira (945016) 440
• Astelehenetik ostiralera 08:00etatik 20:00etara

Administrazio-gaiekin lotutako kontsultak egiteko: prestakuntza@ivap.eus