Maila aurreratua: Tailerra; Gatazken kudeaketa / Taller sobre gestión de conflictos

Helburu orokorrak

Gaitasuna edukitzea jendartean gerta daitezkeen presio-,kontingentzia- eta gatazka-egoerak aurreikusteko, identifikatzeko eta administratzeko, eta, aldi berean, gai izatea erakundearen esparrura egokitutako irtenbide estrategiko egokiak proposatzeko, kontuan hartuz egokitzeko premia daukatela bai jendeak bai erakundeak.

Helburu zehatzak

• Jendearen arteko gatazka- eta tentsio-egoerak aurreikustea eta identifikatzea.
• Bateko zein besteko egoerei faktore guztiak kontuan hartuta aurre egitea.
• Gatazkak eraginkortasunez konpontzeko gaitasuna izatea.

Gaitasunak

Prestakuntza ekintza amaitzean ikaslea gai izango da:

• Gatazkaren ohiko zergatiak eta horiek izan ditzazketen ondorioak identifikatzeko.
• Gatazkak konpontzeko estrategia eraikitzaileak aplikatzeko, hainbat teknika hautatuz, hala nola negoziazioa, adostasunak bilatzea, etab.
• Gatazkak eraginkortasunez konpontzeko trebetasunak hobetzeko.
• Gatazketako autokontrol emozionala indartzeko.

1. Zer ulertzen dugu gatazka gisa.
2. Gatazkaren izaera.
3. Gatazkei aurre egiteko estilo pertsonalak.
4. Komunikazioa egoera gatazkatsuetan.
5. Gatazkak prebenitzeko eta konpontzeko estrategiak eta tresnak.

Metodologia

Prestakuntza metodologia dinamiko eta parte-hartzailearen bidez garatuko da. Metodologia horrek "ikaskuntza" dimentsioa "irakaskuntza" dimentsioaren aurrean sustatzen du, talde-lana bultzatzen du eta esperientzien trukaketa sustatzen du. Saioak teoriko-praktikoak izango dira, eta azalpen teorikoak eta garatutako kontzeptuak lantzeko, ariketak edo adibide praktikoak erabiliko dira.

EBALUAKETA

• Ebaluaketaren helburua: Ikastaroaren helburu orokor eta zehatzak bete edo lortu direla bermatzea.
• Ebaluaketak jaso beharko du: Azken saioan zehar, ikastaroan landutako gaitegiaren inguruko test motatako ariketa buruko da (azken 15 minutuak). Erantzun anitzeko 4 galdera itxi izango ditu, eta erantzun bakarra izango da zuzena. Erantzun zuzenek puntu 1 balioko dute eta okerrek 0 puntu. Proba gainditzeko erantzunen erdia zuzen izan beharko da. Adibidea: Gatazka sortzen da:

1. Denak ados daudenean.
2. Bateragarriak ez diren interesak, beharrak edo pertzepzioak daudenean.
3. Taldean isiltasuna dagoenean.
4. Araurik ez dagoenean.

APROBETXAMENDUA

Bete beharreko baldintzak:

• %80ko bertaratzea
• Aprobetxamendu proba gainditzea

Ziurtapen elektronikoaren mezua jaso bezain pronto ziurtagiri digitala eskuragarri izango duzu. IVAPekiko izapideak atalean sartu, eta Ziurtatzeak botoia sakatu.

Baldintza Teknikoak

• Ezinbestekoa da posta elektronikoko kontu korporatibo bat izatea, ikastarora joango den pertsona modu unibokoan identifikatzeko. Ez dugu onartuko postu bati esleitutako edo partekatutako posta- konturik.
• Datuak Babesteko Erregelamendu Orokorraren (DBEO) 5.1 d) artikuluan xedatutakoaren arabera, datu pertsonalak zehatzak izango dira, eta, behar izanez gero, eguneratuak. Hori guztia zehaztasun printzipioa betetzeko.

Kontaktua

prestakuntza@ivap.eus