Arkitekto, Plaza 1. HE: Derrigorrezko 3. hizkuntza-eskakizuna (2027-12-31).

Eskatzen den berariazko titulazioa: Arkitektura Graduko titulua eta B1 kategoriako gidabaimena izatea.

Hizkuntza-eskakizuna: nahitaezko 3. hizkuntza-eskakizuna (2027-12-31).

a) Espainiako nazionalitatea izatea, edo Europar Batasuneko estaturen bateko nazionalitatea, edo Europar Batasunak izenpetu eta Espainiako estatuak berretsitako nazioarteko itunen arabera langileen zirkulazio askea aplikatzekoa den estaturen batekoa, Europako Erkidegoa Eratzeko Tratatuan definituta dagoen moduan.

b) Parte hartu ahal izango dute, halaber, Europar Batasuneko estatu kideetako nazionalitatea duten pertsonen ezkontideek, betiere zuzenbidez bananduta ez badaude, bai eta haien ondorengoek eta ezkontidearen ondorengoek ere, baldin eta, era berean, bi ezkontideak zuzenbidez bananduta ez badaude, 21 urtetik beherakoak badira edo, adin horretatik gorakoak izanda ere, haien kontura bizi badira (5/2015 LEDren 57. artikulua).

c) Aldez aurreko eskaera egitea.

d) Zereginak betetzeko gaitasun funtzionala izatea.

e) Hamasei urte beteta izatea eta, hala badagokio, nahitaezko erretiroa hartzeko gehieneko adina ez gainditzea.

f) Diziplina-espediente baten bidez edozein administrazio publikotatik edo autonomia erkidegoetako organismo konstituzional edo estatutariotatik bereizita ez egotea, eta ebazpen judizial baten bidez enplegu edo kargu publikoetarako desgaikuntza absolutua edo berezia ez izatea, funtzionario-eskalan sartzeko edo, bereizi edo desgaitu duten lan-kontratudun langileen kasuan, betetzen zituzten eginkizunen antzekoak betetzeko.

g) Beste estatu bateko herritarra izanez gero, desgaituta edo egoera baliokidean ez egotea, eta diziplina-zehapenik edo baliokiderik ez izatea, bere estatuan baldintza berberetan enplegu publikora iristea eragozten dionik.

h) Arkitekturako gradua izatea edo gradu hori lortzeko eskubideak ordainduta izatea.

i) Indarrean dagoen B1 gidabaimena edukitzea.

j) Atzerrian lortutako titulazioak dituzten izangaiek dagokion baliozkotzea edo, hala badagokio, homologazioa egiaztatzen duen egiaztagiria dutela egiaztatu beharko dute. k) Administrazio Publikoen zerbitzuko langileen bateraezintasunari buruzko 53/1984 Legean aurreikusitakoaren arabera, ezgaitasun edo bateraezintasuneko legezko kausaren batean sartuta ez egotea. Nolanahi ere, bateraezina den kargu publiko bat edo jarduera pribatu bat betetzen dutenek aipatutako lege-arauetan aipatzen den aukera-eskubidea baliatu ahal izango dute.

l) Añanako Kuadrillako langile izateko hautaketa-probak egiteko behar diren zerbitzuak emateagatiko tasa, Añanako Kuadrillako azterketa-eskubideengatiko tasa arautzen duen zerga-ordenantzan ezarritakoa, ordaindu izana (2023ko urtarrilaren 13ko ALHAO, 5. zk.): 62,95 euro.

Hemen agertzen den informazioa ez da loteslea, oinarrien eta komunikabide ofizialen arabera kontrastatu behar du.

• Administrazio Publikoen Administrazio Prozedura Erkidearen 39/2015 Legearen 16. artikuluan aurreikusitako beste edozein lekutan aurkeztu ahal izango dira. Administrazioarekin elektronikoki harremanak izateko legezko obligazioa dutenen kasuan, aurkezpena egoitza elektronikoan egingo da.

• Eskaerak oinarri hauen eranskinean adierazitako ereduari lotuko zaizkio eta Añanako Kuadrillako lehendakariari zuzenduko zaizkio (Foruen kalea 11, 01213 Ribabellosa, Araba). Añanako Kuadrillako Erregistro Orokorrean aurkeztu ahal izango dira jendaurreko egun eta orduetan, astelehenetik ostiralera, 9: 00etatik 14:00etara. Añanako Koadrilaren egoitza elektronikoaren bidez ere aurkeztu ahal izango dira: https://cuadrilladeana.eus/erregistro elektroniko komunaren izapidean.

Arkitekto