Animalien osasunari aplikatutako mikrobiologia klasikoko eta molekularreko teknikaria
Bizkaia
- Animalien gaixotasun infekzioso nagusien diagnostiko, jarraipen epidemiologiko eta zaintzara bideratutako saiakuntzak egitea, mikrobiologia klasikoko eta molekularreko teknikak erabiliz patogenoak isolatu, identifikatu eta ezaugarritzeko, eta mikrobioen aurkako erresistentzia-profilak erabiltzeko. Erabilitako prozedurak diseinatzen, doitzen, baliozkotzen eta dokumentatzen parte hartzea.
- Biologia molekularreko eta sekuentziazio masiboko (NGS) teknikak gauzatzea animalien osasunean garrantzia duten infekzio-prozesuei lotutako mikrobiotaren eta erresistomaren karakterizaziorako. Erabilitako prozedurak garatzen, doitzen, optimizatzen, baliozkotzen eta eguneratzen parte hartzea.
- Analisi estatistikoak egitea, eta, horretarako, datuak aztertzeko eta programazio estatistikoa egiteko tresna espezializatuak erabiltzea, bereziki R lengoaia. Lan-fluxu bioinformatikoak egikaritzea, mantentzea eta dokumentatzea, bakterio-komunitateen karakterizazioari aplikatutako NGS datuen kalitatea kontrolatzeko, prozesatzeko eta analizatzeko, metabarcoding 16S ARNr eta shotgun tekniken bidez, erresistomen azterketa eta bakterio-genomen karakterizazioa. Beharren araberako analisi-tresna berrien ebaluazioan eta aplikazioan parte hartzea, Linux/Unix inguruneak erabiliz eta datuak aztertzera bideratutako programazio-lengoaiak erabiliz.
- Laborategian sortutako datu-multzoak antolatzea, dokumentatzea, berrikustea, araztea eta mantentzea, hainbat datu-base erabilita. Emaitzen txostenak egiten eta komunitate zientifikoari eta sektoreari jakinarazten laguntzea, deialdiaren xede den arloan mintegi, jardunaldi, biltzar eta argitalpen zientifiko eta dibulgatiboetan aurkezpenak eginez.
- Lizentziatura, diplomatura, gradua, ingeniaritza zein ingeniaritza teknikoko unibertsitateko titulua izatea ondorengo jakintzagaietan: Biologia Zientziak, Ingurumen Zientziak, Biokimika, Bioteknologia, Kimika, Farmazia, Albaitaritza eta Elikagaien Teknologia, edo biozientziei lotutako beste unibertsitateko diziplina batzuk.
beste baldintza batzuk:
- Gutxienez, urte bateko esperientzia izatea deialdiren 3. puntuan aipatutako bi eginkizunetan (urtebete bi zereginetako bakoitzean).
- B motako gidabaimen europarra indarrean izatea.
Ingelesa A.2. mailan izatea. Maila hori egiaztatzeko dagokion erakunde ofizialaren ikasketa ziurtagiria aurkeztu beharko da. Baldintza hau ere bete ahal izango da araututako prestakuntza akademikoa ingelesez egin dela egiaztatzen bada. Araututako prestakuntza akademikoa ingelesez egitea, ez da inola ere kontutan izango hizkuntza-meritu bezala.
Hemen argitaratutako edukia informatzeko baino ez da, prozesuaren webgunera jo beharko duzu:
https://neiker.eus/eu/enplegua/
Deialdia eta eskaeren on-line aurkezpena www.neiker.eus / “Enplegua“ atalean.
ONLINE BAKARRIK
