Bidegi SAk kudeatzen dituen azpiegituretan segurtasuna, gorabeherak, babes zibila eta larrialdiak planifikatzea, prebenitzea, kudeatzea eta koordinatzea, arreta berezia jarrita trafikoari eta erabiltzaileei ahalik eta kalte txikiena eragiteko, eta azpiegiturak ustiatzearekin zerikusia duten bestelako lan teknikoak egitea.
Zeregin nagusiak:

•  Autobabeserako eta larrialdietarako planak egitea, ezartzea eta haien jarraipena egitea.
•  Bide-azpiegituretako arriskuak etengabe ebaluatzea eta prebentzio-neurriak eta neurri zuzentzaileak definitzea.
•  Istripu, gorabehera, mantentze-lan, kontserbazio eta inbertsioen ondoriozko eraginak aztertzea.
•  Gorabeherak, istripuak eta larrialdi-egoerak kudeatzea eta koordinatzea, erantzun eraginkorra ziurtatuz eta trafikoan eta erabiltzaileengan duten eragina minimizatuz.
•  Larrialdi-zerbitzuekin (SOS Deiak, suhiltzaileak, etab.) eta inplikatutako beste eragile batzuekin koordinatzea.
•  Simulazioetan parte hartzea eta benetako gertaerak kudeatzea.
•  Segurtasuna gainbegiratzea azpiegituren ustiapenean, bai eta arrisku naturalen, teknologikoen eta antropikoen aurrean egiten den esku hartzea ere.
•  Suteen, isurketen eta bestelako larrialdien aurrean egiten diren esku hartzeak gainbegiratzea.
•  Laguntza teknikoa ematea azpiegituren segurtasunari eta ustiapenari lotutako proiektuetan.
•  Babes zibilaren eta larrialdien arloko plangintzan parte hartzea.
•  Segurtasunaren eta larrialdien arloko prestakuntza-, informazio- eta dibulgazio-ekintzetan parte hartzea.
•  Gorabeherak aztertzea eta zerbitzua etengabe hobetzeko neurri zuzentzaileak ezartzea.
•  Txosten teknikoak egitea.
•  Larrialdien kudeaketa operatiboan parte hartzea eta erabakiak hartzen laguntzea azpiegituretan eragina duten egoeretan.
•  Azpiegiturak kudeatzeko eta ustiatzeko laguntza teknikoa eta operatiboa ematea.

Titulazioa eta lan-esperientzia, hala badagokio: Hautagaiek jarraian zehazten diren bi aukeretatik gutxienez bat bete beharko dute, arloan osagai teknikoa eta espezializatua duen profila bermatuz:

- 1. aukera: Zuzeneko espezialitateko titulazioak:

Lanbide Heziketako Goi Mailako Graduko edo Unibertsitate Graduko titulazio baten jabe izatea, baldin eta haren ikasketa-plana larrialdien kudeaketaren eta/edo babes zibilaren arloan zuzenean espezializatuta badago.

Aukera honen barruan sartzen dira, adibide gisa eta beste batzuk baztertu gabe: Larrialdien Koordinazioko eta Babes Zibileko Goi Mailako Teknikaria, Segurtasun Zientzietako Unibertsitate Gradua edo baliokideak.

- 2. aukera: Titulazio teknikoak, gaikuntza ematen duen espezializazio gehigarriarekin:

Ingeniaritzako Unibertsitate Graduko titulazio baten jabe izatea.

Aukera hau baliozkotzeko, nahitaez egiaztatu beharko da espezializazioko bi baldintza hauetako bat gutxienez:

• Prestakuntza osagarria: Gutxienez 250 orduko berariazko prestakuntza egina izatea guztira, larrialdien kudeaketaren, babes zibilaren, bide-segurtasunaren edo autobabeseko planak ezartzearen arloan. Ordu horiek hainbat ikastaro, jardunaldi, graduondoko edo masterren artean metatu ahal izango dira.

• Lan-esperientzia: Gutxienez urtebeteko (1) esperientzia egiaztatzea honako hauekin zuzenean lotutako eginkizunetan: larrialdien kudeaketa, babes zibila, bide-segurtasuna, bide-azpiegituren ustiapena eta gorabeherak edo babes-planak ezartzea.

• B2, hautagaiak egiaztatua edo hautapen-prozesuaren hasieran ebaluatua.

• B1 Gidabaimena

a) Parte hartzeko Eskaera orria behar bezala beteta.
b) Curriculum Vitae eguneratua aurkeztuko da aipaturiko eskaera orriarekin batera.

- Posta elektronikoaren bidez, honako helbide honetan: bidegi@oteic.com

a) Parte hartzeko Eskaera orria behar bezala beteta.
b) Curriculum Vitae eguneratua aurkeztuko da aipaturiko eskaera orriarekin batera.

- Posta elektronikoaren bidez, honako helbide honetan: bidegi@oteic.com
- Aurrez aurre honako helbide honetan: OTEIC Taldea, Zuatzu Enpresa Parkea, Igeldo Erakina, 1. Solairua – 20018 Donostia. Aurrez aurre aurkezteko ordutegia 9:00etatik 18:00ak arte izango da, astelehenetik ostiralera.
- Posta bulegoetan, honako helbide honetara zuzendutako gutun ziurtatuaren bidez: OTEIC Taldea, Zuatzu Enpresa Parkea, Igeldo Erakina, 1. Solairua – 20018 Donostia.

• OINARRIAK