Berdintasun arloan oinarrizko prestakuntza gainditu izana egiaztatzea edo ondorengo ikastaroa gainditua izatea:

1. Berdintasuna Administrazio Publikoan: ekintzarako oinarriak eta tresnak / Igualdad en la Administración Pública: fundamentos y herramientas para la acción

Berariazko Prestakuntza:

2. Komunikazio ez-sexista / Comunicación no sexista
3. Sexu-jazarpenaren eta sexuan oinarritutako jazarpenaren aurreko protokoloak / Protocolos ante el acoso sexual y el acoso por razón de sexo

Helburu orokorrak

Politika publikoen fase desberdinetan; diseinua, ezarpena, jarraipena eta ebaluazioa, genero-ikuspegia aplikatuz emakumeen eta gizonen berdintasunaren arloan aurrera egiteko moduari buruzko ezagutza espezializatuak eskuratzea.

Helburu zehatzak

• Gogoeta egitea emakumeek eta gizonek gizartean bizi duten egoera bereizgarriari eta desberdinari buruz, bai eta administrazioak eta politika publikoek genero-desberdintasunak eta -arrakalak murrizteko eta ezabatzeko duten erantzukizunari buruz ere.
• Lanpostuari lotutako lege-esparruari eta berdintasun-politikei buruzko ezagutza espezializatuak eskuratzea: betebeharrak eta jarduteko aukerak.
• Politika publikoen zikloa eta horien faseak ezagutzea eta horietan genero-ikuspegia txertatzeko jarraibide metodologikoak eskuratzea.

Gaitasunak

Prestakuntza ekintza amaitzean ikaslea gai izango da:

• Genero-desberdintasunak eta -arrakalak identifikatzea, bai eta desberdintasuna gizartean eraikitzen laguntzen duten sozializazio-mekanismoak ere.
• Emakumeen eta gizonen berdintasunari dagokion esparru juridikoa aplikatzea (horri dagokiona), baita politika publikoak genero-ikuspegiarekin kudeatzeko dauden egiturazko mekanismoak, estrategiak eta prozedurak ere.
• Politika publikoak genero-ikuspegitik aztertzea fase bakoitzean, eta horietan esku hartzea, botere publikoen jardunak genero-arrakalak murrizten eta desberdintasunak ezabatzen lagun dezan.

1. modulua. Politika publikoen zikloa ikuspegi feministatik: oinarriak, arau-esparrua eta faseak. 5 ordu.

• Neutraltasunetik ikuspegi eraldatzailera. Zeri erantzun behar diote politika publikoek?
• EAEn aplikagarria den berdintasun-arloko araudia: estrategia duala.
• Politika publikoen faseak: diseinua, ezarpena, jarraipena eta ebaluazioa.
• Abiapuntua. Esku hartu beharreko errealitatearen diagnostikoa:

Emakumeen eta gizonen egoera diferentziala kontuan hartzea.

Desberdintasunen jatorria aztertzea: sozializazio diferentzialerako mekanismoak.

Desberdintasun-egoerak bistaratzea.

Gizartean dauden genero-arrakalak identifikatzea.

2. modulua. Genero-ikuspegidun politika publikoak diseinatzea. 5 ordu.

• Nondik abiatuko gara? Egoeraren diagnostikoaren eta genero-desberdintasunak eta -arrakalak identifikatzearen garrantzia politika publikoen diseinuan.
• Esku hartzeko eremu guztietan gure politika publikoak erantzuna emango dion arazoa(k) hautatzeko tresna praktikoak, inor atzean utzi gabe.
• Helburuak adieraztea, horiek lortzeko ekintzak diseinatzea, espero diren emaitzak, kronograma eta aurrekontuak genero-ikuspegiarekin egitea.
• Eskura dauden tresnak: berdintasun-klausulak kontratuetan, hitzarmenetan eta dirulaguntzetan.

3. modulua. Genero-ikuspegidun politika publikoak ezartzea eta horien jarraipena egitea. 5 ordu

• Ezarpen-fasearen garrantzia politika publikoen zikloan.
• Urteko plangintza, koordinaziorako eta herritarrek parte hartzeko egiturak: malgutasun-mekanismoak eta neurri zuzentzaileak.
• Jarraipen-mekanismoaren diseinua: etapa honetan generoa zeharkakotuko duten funtsezko galderak.
• Kudeaketa hobetzeko beharrezko informazioa biltzea (sexuaren eta genero-adierazleen arabera bereizitako datuak).

4. modulua. Genero-ikuspegia duten politika publikoak ebaluatzea. 5 ordu.

• Generoaren araberako ebaluazioa: funtsezkoa da politika publikoen etorkizuneko plangintzan.
• Fokua zabalduz: kontuak ematetik eta programak hobetzetik, genero-desberdintasunak eraldatzeko ikasketa eta eragin politikora.
• Genero-ikuspegidun ebaluazioaren printzipioak: egokitasuna, eraginkortasuna, efizientzia, inpaktua, iraunkortasuna, ekitatea parte-hartzean.
• Ebaluazio-prozesua diseinatzea: funtsezko eragileak eta informatzaileak topatzea, irizpideak zehaztea eta funtsezko galderak egitea.

Metodologia

Ikastaro teoriko-praktikoa: azalpen teorikoak banakako eta taldekako ariketa erabat praktikoekin uztartuko dira.

EBALUAKETA

Ebaluaketaren helburua: Ikastaroaren helburu orokor eta zehatzak bete edo lortu direla bermatzea.

Ebaluaketak jaso beharko du: Azken saioan zehar era desberdinetako 7 galderez osatutako galdetegia bete beharko da. Galderak test erakoak, irekiak eta garatzekoak izango dira. Proba gainditzeko 10 puntutik 6 lortu beharko dira, eta berau burutzeko 20 minutuko tartea izango da. Adibidea:

1. Zure esku-hartze eremuan genero ikuspegia barne-hartzen duten 3 ekintza deskribatu.
2. Zer da estrategia duala?

APROBETXAMENDUA

Bete beharreko baldintzak:

• %80ko bertaratzea
• Aprobetxamendu proba gainditzea

Ziurtapen elektronikoaren mezua jaso bezain pronto ziurtagiri digitala eskuragarri izango duzu. IVAPekiko izapideak atalean sartu, eta Ziurtatzeak botoia sakatu.

Baldintza Teknikoak

• Ezinbestekoa da posta elektronikoko kontu korporatibo bat izatea, ikastarora joango den pertsona modu unibokoan identifikatzeko. Ez dugu onartuko postu bati esleitutako edo partekatutako posta- konturik.
• Datuak Babesteko Erregelamendu Orokorraren (DBEO) 5.1 d) artikuluan xedatutakoaren arabera, datu pertsonalak zehatzak izango dira, eta, behar izanez gero, eguneratuak. Hori guztia zehaztasun printzipioa betetzeko.

Kontaktua

prestakuntza@ivap.eus