Berdintasun arloan oinarrizko prestakuntza gainditu izana egiaztatzea edo ondorengo ikastaroa gainditua izatea:

1. Berdintasuna Administrazio Publikoan: ekintzarako oinarriak eta tresnak / Igualdad en la Administración Pública: fundamentos y herramientas para la acción

Berariazko Prestakuntza:

2. Komunikazio ez-sexista / Comunicación no sexista.
3. Sexu-jazarpenaren eta sexuan oinarritutako jazarpenaren aurreko protokoloak / Protocolos ante el acoso sexual y el acoso por razón de sexo

Helburu orokorrak

• Berdintasunaren arau-esparrua eta aniztasunaren tratamendua ezagutzea.
• Genero-ikuspegia duten gatazka-egoeren aurrean komunikatzeko eta aurre egiteko estiloak identifikatzea.
• Herritarrei arreta emateko diagnostiko-tresnak aplikatzea, gatazkak kudeatzeko prozesu inklusiboak garatzeko.
• Herritarrekiko arreta inklusiboan, gatazkak kudeatzeko lankidetza-prozesuak ezagutzea, genero-ikuspegiarekin.
• Tailerrean ikasitako teknikak eta estrategiak esperimentatzea

Helburu zehatzak

• Berdintasunaren lege-esparrua eta aniztasunak herritarrekiko arretan duen tratamendua ezagutzea.
• Arretaren berezko joerak eta erantzun-estiloa identifikatzea, erantzun inklusiboak eta genero-ikuspegikoak txertatzeko.
• Gatazkak kudeatzeko tresna inklusiboak barneratzea, egoera zehatzetan aplikatzeko.
• Genero-ikuspegiarekin jendeari arreta emateko lankidetza-prozesuak garatzeko teknikak ezagutzea

Gaitasunak

Prestakuntza ekintza amaitzean ikaslea gai izango da:

• Berdintasunaren lege-esparrua zerbitzu publikoaren oinarri gisa ezagutzeko.
• Genero-ikuspegia duen herritarrekiko arretan, gatazken dimentsioa ezagutzeko, eta haien elementuak, dinamika eta zikloa, ulertzeko.
• Erantzun-estiloak eta teknikak identifikatzeko, gatazka-egoeren azterketatik abiatuta, erantzun inklusiboan berritzeko.
• Herritarrei arreta emateko komunikazio-dinamikak barneratzeko, genero-ikuspegia duten erantzunak sortze-aldera

1. Berdintasun-printzipioak herritarrekiko arretan

• Berdintasuna zerbitzu publikoaren oinarri: erakundeen legeria eta etika (Berdintasunerako Euskal Legea, 1/2004 Lege Organikoa, Istanbulgo Hitzarmena).
• Arreta publikoan berdintasunaren irudipena agerian utziz.
• Administrazio baten ekintzen neutraltasun faltsua detektatuz: lehen inpresioak eta neutraltasun aktiboa berdintasunezko tratuaren gako gisa.
• Aniztasunaren tratamendua herritarrengan, ikuspegi intersekzionaletik: kulturala, linguistikoa, sexuala, funtzionala, belaunaldikoa eta egoeraren araberakoa.
• Arretako langileen rola (mendekoa, teknikoa, administraria, administrari laguntzailea) irudi instituzionalean, harrera inklusiboan eta eskubideen bermean, genero-ikuspegitik. Jarduera: rol-playing.

2. Komunikazio inklusiboa eta emozioen erregulazioa herritarrekiko arretan. Komunikazio-estiloak eta gatazka-egoerei aurre egiteko moduak, genero-ikuspegitik abiatuta.
3. Gatazka-egoeren identifikazioa pertsona eta kolektibo zaurgarriei arreta ematean. Gatazka eta haren dinamika pertsonen arretan, genero-ikuspegia kontuan hartuta.
4. Esku-hartzea egoera sentikor, gatazka edo indarkeria-egoeretan. Analisi-mapak egoerak ulertzeko eta modu inklusiboan heltzeko.
5. Lankidetza-prozesuak gatazken kudeaketan, herritarrei arreta inklusiboa ematean.

Metodologia

Herritarrekiko arretan ematen diren gatazken kudeaketari buruzko prestakuntza parte-hartzaileen aurretiko ezagutzetatik abiatzen da, eta ikuspegi parte-hartzailea sustatzen du talde txiki batean, elkarrekintza eta eztabaida errazteko. Tailerraren garapenean, kontzeptu teorikoak eta ikasleek proposatutako herritarrekiko arretan izandako egoera praktikoak uztartuko dira, genero-ikuspegitik planteatuak. Metodologia malgua da, talde bakoitzera egokitua, eta parte-hartzea sustatzen du, ikuspegi inklusiboa lortzeko.

EBALUAKETA

Ebaluaketaren helburua: Ikastaroaren helburu orokor eta zehatzak bete edo lortu direla bermatzea.

Ebaluaketak jaso beharko du: Ebaluazioak bi fase izango ditu.

1. fasea: hurrengo hiru saioetako bakoitza amaitzean (apirilak 16,17,23), landutako gaiarekin lotutako zeregin bat bete beharko da. Ariketa hori idatziz egin beharreko praktika moduko bat izango da. Aldi berean, landutako kontzeptuen inguruan, hainbat profesionalei egindako elkarrizketa ikusi beharko da, aurretik ikusitako gaitasunak garatzeko funtsezkoak diren gaiak identifikatzeko. Zeregin horiek aurkezteko epemuga saioaren eguneko (apirilak 16,17,23), arratsaldeko 19:00ak baino lehen izango da. Zereginak gai/ ez gai eskala bidez kalifikatuko dira. Adibidea; jarduera bat egingo da pertsonen arteko gatazka jakin bat aztertzeko, eta elkarrizketa bat bistaratuko da gatazken tipologiari buruzko gaiak azaltzeko.

2. fasea: bostgarren saioa amaitzean (apirilak 24), prestakuntza-ekintzaren azken ebaluazio gisa, banakako lan bat eskatuko da. Lan hori, bitartekaritza-prozesu "informal" baten garapenean oinarrituko da. Prozesu horretan, ikastaroan zehar barneratutako ezagutzak integratzeko aukera izango duzu. Kontzeptu informal batean egingo dugu, zeren eta kontzeptu formalean ezingo ginateke bitartekari gisa aritu, gure inplikazioak (zuzena edo zeharkakoa) inpartzialtasun- eta neutraltasun-printzipioak zalantzan jarriko lituzketelako. Proba gainditzeko, 10 puntutik 7 lortu beharko dira. Lana aurkezteko epemuga apirilaren 27a, arratsaldeko 19:00ak baino lehen izango da. Ezarritako epean egin edota aurkeztu ez diren lanak EZ-GAI gisa kalifikatuko dira.

Ebaluazioa gainditzeko, bi faseetako ariketa guztiak gainditu beharko dira.

APROBETXAMENDUA

Bete beharreko baldintzak:

• %80ko bertaratzea
• Aprobetxamendu proba gainditzea

Ziurtapen elektronikoaren mezua jaso bezain pronto ziurtagiri digitala eskuragarri izango duzu. IVAPekiko izapideak atalean sartu, eta Ziurtatzeak botoia sakatu.

Betekizunak

Apirilak 16,17,23,24ko saioetako gainerako orduak, nahitaez bete eta entregatu beharreko ariketekin beteko dira. Saio bakoitzaren ondoren, irakasleak jarduera batzuk egiteko eskatuko du, zeinak posta elektroniko bidez aurkeztu beharko zaizkion. Jarduera bakoitza norberaren-laneko 1,5 orduen baliokidea da (saio bakoitzak bere jarduerak izango ditu aurkezteko), eta horiek ez egin edota ez aurkezteak EZ GAI gisa baloratuko da (zehaztasunak ebaluaketa atalean). Saiora bertaratutakoek, jarduerak posta elektroniko bidez jasoko dituzte.

Baldintza Teknikoak

• Ezinbestekoa da posta elektronikoko kontu korporatibo bat izatea, ikastarora joango den pertsona modu unibokoan identifikatzeko. Ez dugu onartuko postu bati esleitutako edo partekatutako posta- konturik.
• Ikastaroa eskatzen duen pertsonaren ardura da harremanetarako datuak eguneratuta edukitzea.

Kontaktua

prestakuntza@ivap.eus